Obradoiro de adornos de Nadal

 Como cada ano, unha semana do mes de decembro na Biblioteca adicámola a realizar este obradoiro no que o alumnado realiza diferentes motivos navideños.

E ao final, con todas as creacións decoramos a árbore da bilioteca.

Feliz 2026!

Conta comigo

 En decembro tivemos unha nova edición de "Conta comigo". Neste caso alumnado voluntario de Secundaria realizou lecturas de Nadal para o alumnado de Infantil e Primaria. Tamén houbo tempo para elaborar máscaras e debuxos relacionados coas lecturas. Estes recreos son moi ben acollidos polo alumnado!

Novidades do mes de decembro

 Este mes chegaron á nosa biblioteca os seguintes libros:

Guía de lecturas

Xa estamos en Decembro, un mes fantástico para ler e regalar lecturas. Por se vos animades deixámosvos aquí unha Guía de recomendacións para diferentes idades. Esperamos que vos gusten.

Esta guía tamén a recibiredes a través da plataforma do cole.

Plan Anual

Este curso elaboramos un tríptico no que se recollen as principais actividades que se desenvolven na biblioteca. O tríptico está a disposición de todos os usuarios/as e comunidade educativa en formato papel na zona de administración e no acceso á biblioteca, de maneira que todo o mundo o poida consultar ou levar se o desexa.

Deixamos as imaxes no blog:

PLP: Programa de Lectura por parellas

 Este curso estamos realizando o Programa de Lectura por parellas nas aulas de 3º e 5º, 4º e 6º de EPO. Este programa é unha colaboración da biblioteca coas aulas para acadar un mellor desenvolvemento lector no alumnado do centro. Está incluído no PLEA (plan de lectura, escritura e acceso á información) do noso centro. A equipa da biblioteca adapta e propón materiais para a posta en marcha do programa que inclúe sesións cada 15 días e continuidade durante todo o curso escolar, traballando de maneira alterna lecturas en galego e castelán, empregando diferentes tipos de textos.

Un encontro lector no que comparten, aprenden e se divirten.

Recreos alternativos: XOGOS CON NÚMEROS

 Nos recreos alternativos da semana do 10 de novembro estivemos xogando cos números

Desde os máis pequenos ate os maiores, todos e todas pasaron momentos moi divertidos cos xogos.

Novidades

 Cada  mes chegan á nosa biblioteca novos fondos. Este curso xa recibimos uns cantos!

Programa Recreos alternativos

 Na biblio continuamos co programa de recreos alternativos ofrecendo alternativas de ocio no tempo de recreo para aqueles rapaces e rapazas que desexen participar.

No programa incluímos actividades moi diversas como "Conta comigo" na que o alumnado dos Clubs de lectura de Secundaria realiza contadas para o resto do alumnado no tempo de recreo, actividades especiais para conmemorar datas significativas, exposicións e xogos, moitos xogos: xogos con letras, xogos de cartas, xogos con números, xogos de razoamento, xogos de atención... de todo tipo, pero xogos nos que o alumnado individualmente, en parella ou por equipas participa seguindo as instrucións e respectando as quendas.

Este curso comezamos cos Xogos no exterior:

25 N na Biblioteca escolar

 Desde a biblioteca sumámonos a conmemoración do 25 N

O alumnado do cole foi pasando pola biblio para realizar o seu collage.

E o 25 saímos polas rúas de Caranza coas nosas pancartas de apoio á eliminación da violencia contra a muller. Unha saída moi especial na que berramos os nosos lemas e agasallamos unhas flores elaboradas nun obradoiro feito nas aulas.

Semana da animación lectora: CÓMIC

 A equipa de biblioteca organiza unha animación lectora sobre o cómic con exposición e xogos para gozar dun mundo cheo de recursos cos que podemos pasar un tempo de lecer fantástico.

Ao longo da semana traballaron co cómic alumnos e alumnas de todas as idades, desde Infantil coa creación de cómics, pasando pro Primaria e Secundaria, realizando visitas á exposición e participando nos xogos no tempo de recreo.

Algunhas imaxes: